ரெட்மி போன்களின் விலை உயர்வு! மாடல் மற்றும் புதிய விலை நிலவரம் இதோ!

ஸ்மார்ட்போன்களுக்கான ஜிஎஸ்டி 12% இருந்து 18% ஆக உயர்த்தப்பட்டுள்ளதை அடுத்து ரெட்மி போன்களின் விலை இந்தியாவில் உயர்த்தப்பட்டுள்ளதாக தகவல்கள் வெளியாகியுள்ளது. குறிப்பாக ரெட்மி 8, ரெட்மி நோட் 8, ரெட்மி 8ஏ ஆகிய போன்களின் விலை உயர்த்தப்பட்டுள்ளது.

விலை மாற்றம்

சியோமி நிறுவன தயாரிப்பான ரெட்மி போன்களின் விலையில் மாற்றம் செய்யப்பட்டுள்ளது. இந்த விலையேற்றம் அனைத்து ஆன்லைன் விற்பனை தளங்களிலும் அமல்படுத்தப்பட்டுள்ளது.

ரெட்மி போன்கள்

ரெட்மி நோட் 8 போனின் 4ஜிபி ரேம் மற்றும் 64 ஜிபி ஸ்டோரேஜ் வசதி கொண்ட மாடல் ரூ.11,499 க்கு விற்பனை செய்யப்பட்ட நிலையில், இப்போது ரூ.11,999க்கு விற்பனை செய்யப்படுகின்றது. அதேபோல ரெட்மி நோட் 8 போனின் 6ஜிபி ரேம் மற்றும் 128 ஜிபி ஸ்டோரேஜ் வசதி கொண்ட மாடல் ரூ.13,999 இருந்து ரூ.14,499 ஆக உயர்த்தப்பட்டுள்ளது. இந்த ஸ்மார்ட்போன்கள் கடந்த ஆண்டு அறிமுகம் செய்யும் போது விலை 10 ஆயிரத்துக்குள் இருந்தது.